వసంతం

నిన్నొదిలి వెళ్ళేటప్పుడు అనిపిస్తుంది
కాలాన్ని గదిలో పెట్టి తాళం వేయాలని
కానీ ఎందుకో మరి ఆగిపోతాను
దిగంతపు అంచులకు ప్రయాణం తప్పదు

వేయి యుగాల ప్రయాణం తర్వాత
చేరవలసిన చోటొస్తుంది
అక్కడికెళ్ళాకగానీ నాకర్థం కాదు
నా వునికిని నీ దగ్గర వదిలి వచ్చానని

అనంత దూరాలకావల వేచి వుంటాను
నిన్ను తిరిగి కలిసే క్షణం కోసం
ఎన్నో శిశిరాల తర్వాత
ఎదురొచ్చే ఒక్క వసంతం కోసం