గడ్డి పూలు

ఒక తెలుగు బ్లాగు

Name:
Location: హైదరాబాదు, India

Wednesday, October 24, 2012

నిశాకాంత

నల్లబడ్డ ఆకాశం
కింద నలుపెక్కిన నీటి గలగల
ఆ వొడ్డునే తలలూగిస్తూ
పొడవాటి చెట్లు గుసగుస
గుబురు మొక్కల చాటున
కీచురాళ్ళు కీచు కీచు
ఆ పక్కనే రాళ్ళ మాటున
కప్పలు బెక బెక
సయ్యాటల గాలి
రివ్వుమనే హోరు జోరు

ఆ యేటి వొడ్డున
లాంతరు వెలుగులో
హసిత మందాకినిలా
నడుస్తున్న ఆమె
కాలి అందెల సవ్వడికి
సంఘీభావంగా
ప్రకృతి జుగల్బందీ