తెలుగు లేఖ

నా లేఖ పూర్తి కావచ్చింది. లేఖ అంటే నేను ఎవరికో జాబు రాస్తున్నాననుకునేరు... అదేం కాదు. లేఖ అంటే తెలుగుని ఆంగ్ల లిపిలో ఫొనెటిగ్గా రాస్తే తెలుగు లిపిలోకి తర్జుమా చేసే ప్రోగ్రాం అన్నమాట. గత రెండు వారాలుగా వీలు దొరికినప్పుడల్లా ఈ ప్రోగ్రాం మీద పని చేస్తూ వచ్చాను. గత మూడు రోజులుగా ఏకబిగిన పని చేసి ఆఖరికి పని చేసే స్థాయికి తీసుకువచ్చాను. ఇంకా కొన్ని చిన్న చిన్న మెరుగులు దిద్దవలసి ఉంది. నేను సొంతంగా రాసుకున్న ప్రోగ్రాం వాడి తెలుగులో రాయగలగడం నన్నెంతగానో ఉత్తేజపరుస్తోంది.. ఇప్పుడు మీరు చదువుతున్న తెలుగు కంటెంటు నా లేఖ ప్రోగ్రాం ద్వారా రాసినదే :) త్వరలో మరిన్ని మెరుగులు దిద్ది ఈ ప్రోగ్రాంను అందరికీ అందుబాటులో ఉంచాలని నా ప్రయత్నం.